تفتحت ابواب السماء بحق الإمام علي (ع)

نفتحت أبواب السماء
كريم الحاج فليح
ونسألكم الدعاء

أرفـع أيـــدك للدعــــاء * نفتحت أبواب السمــــاء
اليوم همك ينجلـــــــي
ويه ميلاد الولـــــــــي
علي يا علي علي .. علي يا علي علي
ـــــــــــــــــــ
أمر من رب الجلالـــــه * والأمر بالحق قضــــه
هذا أمر الباري غصبن *عالرضه والما رضــه
اليـــوم كعبتنه الشريفـه * تشرفــت بالمرتضــــه
هوتاريخــك يســـولـف * مو كـلام الرافضــــــه
شائت اليوم السمــه
ينولد حامي الحمــه
سيد اعله الأوصياء * نفتحت أبواب السمــاء
علي ياعلي علي .. علي يا علي علي
ــــــــــــــــــ
ليش بس حيدر علينه * بأطهر مجان نولــــــــد
وليش ما صارت كبلهه *ولا بعدهه تصير أبـــد
وليش أَسَلمْ الرايه باجر * الواحد يحبه الصمــــد
وليش كرار المعارك * بس علـي وغيره شرد
بحيدره بالك تقيس
حين يشتد الوطيس
ومن رفع بيده اللواء * نفتحت ابواب السمـــاء
علي ياعلي علي .. علي يا علي علي
ــــــــــــــــــــــــ
أحنه ما نحجي أفتراء * لاوحـــك ربي الجليـل
وأحنه لوردنه نحاجج * نحجي كل حجه بدليـل
وأحنه كل هذا النكوله * بحق علي كلـش قليــل
هذا خواض المنايــــا * هـذا حمـاي الدخيـــــل
هذا مستودَع علـــــوم
وحافظ أسرار القيوم
ولو رجيته أفد رجاء * نفتحت أبواب السمــاء
علي ياعلي علي .. علي يا علي علي
ــــــــــــــــــــــ
علي من أدخل ضريحه * جني داخل بالجنـــــان
وبيدي شباجه منكضــه * بحبه احس و بالحنـان
علي يعني النه السفيه * وبيهــه نبحرللأمـان
علي راد نعيش بالعز * مو مذله ولا الهوان
على خَطّ النه النهـــج
رادنــه بـــي ننتهـــج
واله نعلن لأنتمــاء * نفتحـت أبواب السمــاء
علي ياعلي علي .. علي يا علي علي
ــــــــــــــــــ
علي صبر الصبر هوَ * علي معنـاه الأراده
على معناه الخشوع * والتزهــد والعبــاده
علي معنــاه الأمامه * علي يعني النه القياده
علي لازم بالصلا * يذكر اسمه بالشهـاده
أشهــدُ أن عليــــاً
لـكَ يـا ربي وليـاً
ومن تنادي بهالنداء * نفتحت أبواب السمــاء
علي ياعلي علي .. علي يا علي علي
ــــــــــــــــــــــ
علي مو بينه تعلــــه * علي بالباري علـــه
علي ما محتاج النــه * أحنه لبحاجه الــــــه
علي بالشدات حاضر * واليحل كل معضلـه
ما يخيب الندب بسمه * واليكصده بمسألــه
والله تنحل العقـد
من تندبه بالشـدد
يــا تقـي الأتقيـــاء * نفتحـت أبواب السماء
علي ياعلي علي .. علي يا علي علي