---: قصــتي مع البــاص .. وآآآه يا عيـــوني !! :---

بسم الله الرحمن الرحيم..
السلام عليكم ورحمة الله وبركاته..
جايبه لكم قصه وحده مع الباص حقها
الصراحه عجبتني وحبيت انقلها لكم
بقولكم قصــه واقعيــه..
حدثت لشـخص وهـو بـطل هـذه القصه<الا وهـو انا
المهم..

اقروا القصة وان شاء الله تعجبكم
<< ونصـيحه لا تضحـكوا كثـير عشان مايصير لكم مثـلي

نبــــــدأ..



.في يوم الاربعاء 14/6/1429ه اخر اربعاء من الاسبوع الاول من لاختبارات..
بعد ما طلعنا من القاعه وخلصنا امتحان جغرافيا
<< الله يهدي المعلمه مصعبة الاسئله..
المهم طلعنا في الساحة وكنا جايبين - اونو - قاعدين نلعب
<< مخالفة على مستوى
<عاد تصدقوا ذاك اليوم غيرنا مكاننا - كان قدام غرفة المديرة - ورحنا جوا الساحة عشان ما
تاخذ الاونو منا وفيه مجموعة بنات معهم العاب و-اونو- وقعدوا بمكاننا الاول اللي قدام غرفة
المديرة , المديرة شافت الاونو اللي معهم واخذته هو والالعاب >
خخ مو كأني طلعت من السالفه نرجع طيب
..
المهم وكان فيه بنت عيونها توجعها وحاطه لصقة العيون
<<علي شرح
وكنت اقول في نفسي..
<< وشلون الحين تذاكر ما شاء الله بعيون وحدة وبثالث ودعيت ربي يشفيها
المهم شوي ولا ينادي الباص..
قمت انا وصديقتي بسرعه عشان نلحق مكان فاضي نقعد فيه بجنب بعض
لزوم السوالف
<< صداقة
المهم دخلنا الباص طلع ما فيه كرسي ابو نفرين فاضي..
<< يمديكم على الشرح
لقيت كرسي ابو نفرين قاعده فيه بنت قعدت جنبها على الطرف
وصديقتي فتحت الكرسي اللي بجنبي..








- شرح مبسط عن الباص -
بالنسبة للمكيف..
خربآن وان اشتغل يشتغل على الحآر
وراعي الباص-سعد- الظهر ينادي وعلى طول يركب الباص يا تلحق يا ما تلحق
يعني ما ينتظر البنات الين يكتملوا..
ويسرع ما شاء الله..
و- ام سعد - المحرم..
تجي يوم وتغيب عشرة..
هذا وحنا دافعين فلوس شئ يقهر










نكمل

طبعا في الباص ينقسم البنات إلى قسمين:
- قسم يهذري الين يوصلوا البيت
- قسم يأخذ غفوة الين يوصلوا البيت
اما انا وصديقتي مرة نهذري ومرة ننام شعارنا العدل في كل شئ



المهم ..
كنت حاطه راسي على المقعد اللي قدامي واسولف مع صديقتي..
الا وصار شئ..







--- صح بقول لكم شئ قبل لا اكمل
<< تحمستوا مع السالفه خخ
قبل يوم الاربعاء بكم يوم لاحظنا انا وصديقتي شئ..
ان راعي الباص يلبس طاقية حمراء وشكينا بشئ..
وقمنا نبحث ونتحرى عن الامر..
<< المحقق كونان على غفله
بعدين شفنا قدام عنده بكله مدري سوارة زهرية وفرشاية زهرية..
والحين تأكدنا ان الرجال خاطب والله اعلم ---









نرجع نكمل... وين وصلنا
ايه..
وصار شئ..
در دب طــــــع..
تدروا وش معناته يعني صدمنا..
والمشكلة صدمنا بسواق يعني كلهم ما يعرفوا يسوقوا..
المهم بما اني انا حاطه راسي على المقعد صقعت بعيوني اليسرى على المقعد
وكانت الصقعه قويه.. وقمت اصارخ..
عيــــــني عيـــــني عـــــيني..







--- قبل ما اكمل بقول لكم شعوري.
اول ما صقعت حسيت ان عيوني انفقعت وخلاص فقدتها
وإن ما فقدتها فيكون حول بعيوني
تذكرت الاشياء اللي كنت اشوفها - يارب اغفر لي -
وتذكرت البنت اللي شفتها بالمدرسة وحاطه لصقه على عينها..
والله نعمة النظر نعمة عظيمة محد يحس بنعمتها الا اللي انحرم منها ---








طيب نرجع يوم كنت اصارخ...
البنات تورطوا لان - ام سعد - مو معنا وهم ما يعرفوا شئ..
المهم قاعدين يحاولوا يفتحوا غطوتي ويشوفوا وش فيني..
<< لعل وعسى يقدروا يسووا شئ
المهم يحاولوا يفتحوا عيوني لكن انا ما ابغى
خفت افتح عيوني ولا اشوف فيها شئ..
عاد فيه بنات يقولوا لي لا تخافي يمكن غبار من المقعد بس افتحي عينك
<<يبغوا يهدوني عشان يفتكوا من صوتي
آخر شئ فتحت عيوني..
والحمد لله اشوف البنات
بس خفت يكون فيني حول..
<< يا شين وساوسي
قمت اسأل البنات فيها حول فيها شئ..
قالوا لا بس عيونك حمراء شوي وتخف..
وكل وحدة توصيني احط شئ بعيوني
<< الله يستر
عيوني بدت تخف..
وصديقتي على فكرة انقطعت ساعتها..
بس فيه مشكله ثانيه








عاد تصدقوا ذاك اليوم كنا مستانسين لاننا طالعين بدري الساعه 9
بس صار اللي صار..على قولتهم يا فرحه ما تمت..







اكمل..
وصلنا عند المشكله الثانيه..
تدروا ايش..قولوا ايش؟!
<< خخخ عشان تتحمسوا ذكاء
الحادث صار عند الاشارة وبوسط الشارع..
يعني منظر للجميع..
احنا واقفين والسيارات حولنا توقف وتمشي..
واللي يوقف ما يحرم نفسه من الشوفه
وتمشي حولنا شاحنات عاد انا ما احب الشاحنات تجي عند السيارة
اخاف تطيح علينا
<< ما قلت لكم موسوسه
المهم راعي الباص نزل يشوف المشكله..
وبما انه حر فتحنا الشبابيك..
الا شوي تجي جمبنا سيارة شباب..
ويفتح الشباك وقال .. تبغونا نوصلكم..
<< يا عيني على الشهامه بس
البنات على طول قفلوا الشبابيك..
ومن يوم ما قفلوا الشبابيك الا والكل يضحك حتى انا..
<< وين اللي قبل شوي تصيح عيــني عيــــني
هو قفل الشباك .. وعيونا على السيارة
<< طبعا الاشارة كانت حمراء عشان كذا كانوا واقفين..
ويرجع يفتح الشباك مرة ثانيه..
ويحط وجهه عند المكيف ويسوي حركات يبي يقهرنا..
<< عرف نقطة ضعفنا لاننا كنا مايتين حر الله يقلع الباص..
احنا متنا ضحك على حركته وكمان تذكرنا مأساتنا مع المكيف
رجع قفل الشباك مرة ثانيه..
<< على حظه الاشارة طولت..
المهم ويفتح الشباك مرة ثانيه وعلى ما اعتقد كان حاط اغنيه لانه
كان ماسك الجوال وقعد يرقص
وضحكنا مرة ثانيه
وقفل الشباك مرة ثانيه..
ما امداه يفتح الشباك الا وتفتح الاشارة وتمشي السيارات..
<< عاد مو كل شوي يطلع حظه زين
هو على طول فتح الشباك وقال مع السلامه وكان معاه قلم شكله وده يرقم بس ما مداه
<<احسن
بس البنات يوم مشت السيارة قالوا والله ونسنا
الا قهرنا

المهم<كم مرة قلتها
البنات بعد ما راحت السيارة فتحوا الشباك لاننا انكتمنا..
الا وتجي جمبنا سيارة فيها ولد..
هو على طول لف وجهه الجهه الثانيه..
<< صراحة محترم مو مثل الاول..
البنات استحوا وقفلوا الشباك على ما اظن
ونرجع لراعي الباص وش صار معه..
طبعا لسى ما صار شئ جديد..
شوي ما اسمع الا صراخ البنات اللي ورا..
وش صار؟!
والكل يناظر ورا يوم التفت..





















جاء الفرج اخيرا وجا باص ثاني..
وجا رئيس السواقين
<< انا كذا اسميه
شفت الساعه طلعت حوالي 9:30
يعني نص ساعه او اكثر في الحر..
يوم ولعت الاشارة حمرا نزلنا من باصنا المنكوب ورحنا الباص الثاني..
وحنا نمشي بين السيارات عشان نوصل للباص..
كل اللي في السيارات يناظروا فينا..
اما اشكالنا وحنا نمشي بين السيارات حدث ولا حرج يضحك
وصلنا للباص الثاني..
صراااحه رووووووووووعه..
مكيف بآرد وستارة زهيرية وسواق زين
<< الخير جا مرة وحدة
اول ما ركبنا ناظرنا بالشباك الا وجمبنا سيارة شباب ملزقين وجيهم في الشباك
وقاعدين يضحكوا علينا
المهم ما علينا واخيرا مشينا واللي يسوق فينا واحد ثاني ويعرف كمان اماكن البيوت اهم شئ
واحنا طبعا استغلينا الفرصه وقلنا له كل شئ عن السواق لاول..
قلنا ما فيه مكيف
والسواق يسرع
ولا ينتظرنا الظهر..
والمحرم ما تجي كل يوم

قال ليه ما اشتكيتوا..
قالوا البنات شكينا بس محد عطانا وجه..
وقام الرجال يكون حسبي الله عليه.. الله المستعان..
<< احسن شكلهم بيفصلوه







--- فيه بنت قالت : يا بنات خلونا ناخذ جـوال الرجال ونطمن اهالينا..
قالوا البنات مو لازم..
قالت إالا امي تنتظرني من الساعه 9
قالت بنت ثانيه: والله امي ما تدري عنا جينا ولا ما جينا تصحى الساعه 2 ---
وصلنا لبيوتنا بحمد الله وسلامته الساعه 10 تقريبا..
رحت وسلمت على امي
<< على فكرة الصيحه فيني من يوم صدمنا >>
قلت لها تحمدي لي بالسلامه..
قالت عسى ما شر وليه عيونك اليسرى مورمه..
انا ما قدرت استحمل وقعدت اصيح
وقلت لها اللي صار..
دهنت وجهي بزيت مقري وشربت موية زمزم..
..
وقاموا اخواني يتحمدولي بالسلامه..

..
وبعد اللي صار بكم يوم يمكن يوم الثلاثاء..
كنا مسرعين شوي قالت صديقتي.. راعي الباص مسرع..
انا على طول صرخت فيها وقلت قولي ما شاء الله لا نصدم..
هي قالت ما شاء الله..
الا شوي تطلع لنا سيارة من اللفه وبغينا نصدم بس ربي ستر
انا قلت لصديقتي شفتي احمدي ربك انك قلتي ما شاء الله ولا كان كنا في خبر كان







على فكرة في هذا الحادث ما اصيب الا انا..
امي قالت كله من لقافتك..
...

وكمان تحس بقيمتك
ههههههههههههههههههههههههههههههه




منقوووول


تحياتي

شمعه المهدي

.......................

ههههههههههههههههه
يسلموو خيتووو على القصة