أسمع سوالف البنات في الطابور

شمعة المهدي السبت يوليو 26, 2008 9:49 pm

السلام عليكم ورحمة الله وبركاتة

أسمع سوالف البنات في الطابور

ليش مريولك موديله كنه فستان عرس ؟ أبله هذا ستايلي.. << مادري وين جاية لعرس واحنا ماندري ^^

ليش حاطة عدسات زرق ؟ أبلة عيوني هذي .. امي اوروبية..<< اسمع مين يتكلم ..

ليش كل هذا الكحل ؟ أبلة عيوني كحلية طبيعيا..

و ليش المناكير ؟ أبلة هذي حنة سودانيه مو مناكير..

ليش ما ترددين تحية العلم ؟ أبلة بلاعيمي تعورني..

ليش تسولفين بدل ما تستفيدي من الإذاعة ؟ أبلة مو انا بس كل الصف بعدين الإذاعة مكررة هي وفقرة هل تعلم السخيفة.. << بالعكس احب فقرة هل تعلم

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!

&&نشوف البنات اللي مبققات عيونهم على الأبلات&&

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام..

وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي.. << قد اعذر من انذر حلوهـ ^^

شوفوا أبلة عطيات تنورتها تحفة .. خيالية.. آخر موضة .....من وين اشترتها ؟؟ << خخخ

عاد أبلة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .. << الحمدلله والشكر ^^

&& نشوف سوالف الدلوعات&&

أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة..>> هي اصلا ما عدها اخوان و جيرانهم اكبر واحد عمره 6 سنوات >> ها الكذب بعينة

&&البنات اللي اختصاصهم الحش&&

شفتي الدبة هذي امس فاتحة شعرها كنه خرطوم مطافي.. << استغفر الله .. الله يهديهم

ولا مريم اللي كانت عايشة في ماليزيا اليوم جاية بقميص صوف والحراره 40 درجة غبية وحدة..<< خخ

ولا مجموعة شغالات الصف " هذيلا اللي يجمعون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .

و في النهاية تجي معلمة و تقول ماشي قلم : وين انتوا ...في سوق سمك خلاص ؟ <<< خخخ حلوة ^^

وبــــــــــــــــــثـــــــــــــــــــوانـــــــ ــي صــار هــــــــدوء ... ولكن لم يستمر طوال اليوم <<خخخ ماتبون إلاالبنات يسكتون .. آخر الناس يفكرون انهم يسكتوا ^^

منقوووووووول

تحياتي

شمعة المهدي